"Sekulako eskaintzak izango dira oraingoan ere, generorik onena merke-merke. Batzuek neguko arropak eta oinetakoak eroango ditugu, eta besteek atzera geratutakoak", dio Idoia Elexpuruk, Aretxarteko presidenteak eta Belar Metako ugazabak.
Hona Mitarte kalean izango diren dendak: Amaia ume denda; Asensio; Atai; Belar Meta; Benito oinetakoak; Brasileña kafetegia; Gertu janari prestatuak; Haurrak; Kilima; Kioskoa; Mari Merke; M5 kirol denda; Tinta Beltza; Titare; eta Zubia. Eta taberna bi izango dira horiekin batera: Akorde eta Orly. Gure Esku Dago oihalak erosteko aukera ere egongo da.
Tailerrak eta zozketa
Musika lagun dela giro bikaina izango da Mitarte kalean eta arratsaldean, 16:30etik 19:30era bitartean, neska-mutikoek tailerrak izango dituzte asper ez daitezen. Azoka itxi aurretik, gainera, bertan erosketak egindakoen artean urdaiazpiko bi zozketatuko dituzte.
