Martxoaren 19an Urepelen hasiko den Korrikarako motorrak berotzen joateko hainbat ekintza egin zituzten Aretxabaletan atzo, egubakoitza, eta herritarrak dagoeneko hasi dira prestatzen martxoaren 23an Debagoienera iritsiko den Korrika egunerako.
Hainbat herritarrek erosi zuten atzo Korrikako materiala eta gaztetxoak ere hasi dira Korrikarako prestaketa kontuekin. Iluntzean Herriko Plazan jasotako giroarekin egindako erreportajea astelehenean ikusi ahal izango da telebistan Debagoiena zuzenean saioan 20:00etan, 21:00etan eta 22:30ean.
Martxoaren 13an, beste hainbat ekitaldi
Korrika dela-eta egin duten lehenengo arratsalde berezia izan zen atzokoa, baina martxoaren 13rako beste hainbat ekintza antolatu dituzte batzordetik. Pintxo-pote berezi bat egingo da, eta ondoren, bertso afaria izango da Fredi Paya eta Iñigo Mantzisidor Mantxi bertsolariekin.
