Vazquez anaiak eta Alex Elortondo dominekin itzuli dira Euskadiko karate txapelketatik

Oxel Vazquez, Alex Elortondo eta Odei Vazquez dominekin.

Odei eta Oxel Vazquez anaiek senior mailako 36. Euskadiko karate txapelketa jokatu zuten joan den zapatuan Gasteizen. 67 kiloz azpikoetan finaleraino iritsi ziren biak, eta anaien arteko norgehiagokan Oxel izan zen txapelduna. Egokitutako I. Karateko kopa ere jokatu zuten Gasteizen, eta Alex Elortondo aretxabaletarra bigarren geratu zen.

Aretxabaleta kirol elkarteko hiru ordezkariak Arriaga kiroldegian elkartu ziren gainerako lehiakideekin batera. Kumite modalitatean jardun zuten Vazquez anaiek; Oxelek, gainera, lehenengoz senior modalitatean. Eta bera nagusitu zitzaion anaia nagusiari.

Bestetik, lehenengoz egin dute egokitutako karate txapelketa Euskadiko txapelketa batean. Alex Elortondok bigarren egin zuen eta oso pozik zegoen. Odilo Vazquez entrenatzaileak hauxe zioen: "Eskerrik asko federazioari halako txapelketak sartzearren; izan ere, karateak irabazten du horiekin. Eta eskerrik asko Jesus Muruari lan mordoa egin duelako halako kirolariekin".

UDAko karate saileko gazteenek martxoaren 7an dute hurrengo ekitaldia, Eibarren jokatuko duten eskola kirolari dagokion eskualdeko txapelketa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.