Lau bankuko plaza delakoari izena jarri gura dio Udalak eta aukeraz baliatuta, gizonen eta emakumeen arteko berdintasuna aldarrikatuko duen leloa erabiliko dute. Lehiaketa bidez, 4 lelo aukeratuko dituzte. Irabazle bakoitzak martxoaren 7an egongo den Ixadebalde merkealdien azokan gastatzeko 50 euroko bonua eskuratuko du. Lelo proposamenak gutun-azal baten ala e-postaz (berdintasuna@aretxabaleta.eus) aurkeztu behar dira Word dokumentu baten otsailaren 27a baino lehen.
Martxoaren 7an, deialdi irekia egingo dute, eta lelo irabazlea margotuko dute bankuetan.
