Umore onez ari dira ospatzen aurten ere Aratusteak Aretxabaletan. Aspalditik prestatzen ibili ostean, gaur atera dituzte kalera karrozak eta mozorroak eta festarako gosez irten dira. Desfile guztia euripean egin behar izan dute, baina hala eta guztiz ere, dantzan ibili dira. Aurtengo Aratusteetan gehien entzun den abestietako bat entzun ahal izan da sarri Aretxabaletan ere, Gatibu taldearen Euritan dantzan.
Aratusteak Goiena telebistan
Bihar, astelehena, Debagoieneko Aratusteak ikusi ahal izango dira 20:00etan, 21:00etan eta 22:30ean Goiena telebistan, Debagoiena zuzenean saioan.
Egubakoitzean, berriz, saio berezia eskainiko da 22:00etan.
