Atzo arratsaldean hemendik pasatu nintzen eta dena ondo zegoen, beraz, edo arratsaldean bertan edo gauean sartu dira lapurrak. Aretxabaletatik saihesbiderako irteeran daukagun errepidera aldeko patiotik sartu dira. Hesia ebakita. Apurtu digute atzeko atea eta barrura sartu dira. Bi urte zituen fugonetan, materiala eta erremintak eraman dituzte. Gura izan duten dena. Ze ikusten dira gauza asko mugituta. Gainera, eraman duten materialak kilo asko hartzen du, eta hori zela eraman antolatzen ibili direla ere ikusten da ez dutelako hamar minutuan lapurtzeko moduko zerbait eraman", kontatu du Asier Biainek.
Lehenago atea zulatuta
Hark gaineratu du susmo batzuk badituztela: "Orain dela lau bat hilabete, atzeko ate hori berori (patiotik tailerrera sartzekoa) azaldu zen zulo bat eginda zuela, baina barruan ez zegoen ezer ukituta. Susmoa da orduan barrukoari begiratu ziotela, eta orain lapurretan egin digutela".
Biainek kontatu duenez, salaketa jarri eta goizean Ertzaintza egon da lekuan bertan; froga batzuk hartu dituzte, argazkiak atera… "Esan digute akaso furgoneta agertuko dela, baina kobrea, brontzea… urtu egingo dutela eta ia seguru galdutzat emateko