Hamar umerendako dago lekua Klubean, euren gurasoak lagun (heldu baten zaintzapean egon beharko da beti) eta umeen zein helduen parte-hartze aktiboa bultzatuko dute: jokoetan gidari lanak egin; liburuen aurkezpenak egin, bibliografia zabaltzeko; ipuin kontaketak, liburu-gomendioak eta komentarioak egin; eta literaturaren inguruko beste ekimen batzuk aurrera eroan. Euskaraz izango dira saioak eta Txikitxokoan egingo dituzte.
Klubaren helburuak zehaztu dituzte, gainera, antolatzaileek: irakurketa ohiturak sustatzea; kalitatezko euskal bibliografia ezagutzea; gurasoek eta hezitzaileek irakurketan parte aktiboa hartzea; haurrek giro lasai batean gozatzea; eta bibliotekaren erabilera sustatzea.