Mundukideko Beñat Arzadunek Mozambikeko berriak ekarriko ditu

Mozambikeko lagunak.

Herrien garapenerako lanean diharduen Mundukide Fundazioko kide Beñat Arzadun izango da datorren martitzenean, otsailak 3, 18:30ean, Arkupen Mozambikeko proiektuaren gaineko argibideak ematen. Mundukidek antolatu du ekitaldia Hiruatx elkartearekin batera eta Basotxoko erretiratuen abestaldeak girotuko du ekitaldia.

Arzadun da Mozambikeko programaren arduraduna eta orain dela hamahiru urte joan zen lehenengoz bertara, Marrupa eskualdera. Ondo baino hobeto ezagutzen du hango egoera, eta lantalde profesional batekin elkarlanean 30.000 lagunen bizi baldintzak hobetzea du helburu.

Programa hori Mozambike iparraldeko lau gunetan dabiltza garatzen, eta bi ildo nagusi ditu: batetik, nekazaritza sustapena, hau da, mikrokredituen programa abian jartzea nekazari produkzio sistemak hobetzeko; eta bestetik, azpiegituren antolaketa: ureztatze sistemak, errepide sarea...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.