Hogeita hamar bikote erakartzeko helburuaz dator frontenis txapelketa

Badator Emakumezkoen II. Frontenis Txapelketa; urtarrilaren 24tik martxoaren 8ra arte jokatuko dute Aretxabaletako Iturrigorri pilotalekuan, eta zapatu goizetan izango dira partiduak: "Urtetan Loramendi Elkarteak antolatu du txapelketa, eta pare bat urtez txapelketa barik egon ostean iaz UDAtik hartu  genuen ostera ere antolatzeko ardura. Baina, helburua hasierakoa da, emakumezkoak, kirola eta euskara batzea", azaldu du Agurtzane Elkorok.

iaz arrakasta polita izan zuen txapelketak, guztira 20 bikotek eman zuten izena: "Aurten ere bailarako neska guztiei egin gura diegu deialdia. Akaso baikor samarrak izango gara, baina ea 30 bikote erakartzen ditugun. Horrek esan gura du 60 emakumezko izango ditugula zapatu goizetan frontenisean". 

Bikote bakoitzeko 10 euro 

Izena emateko azken eguna urtarrilaren 21a da, eta horretarako nahikoa da helbide honetara idaztea: emakumeenfrontenisaUDA@gmail.com. Ordainketa, berriz, lehenengo partiduan egingo da. Irabazleendako sari politak gorde dituzte antolatzaileek, eta horrekin batera, guztien artean hainbat opari zozketatuko dituzte: "Aretxabaletako Udalak ematen digun laguntza eskertu gura dugu, eta baita aurten Euskadiko Kutxak eman digun babesa ere".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.