Meltxor, Gaspar eta Baltasar errege magoak Aretxabaletatik ere pasatu dira. Goxokiz gainezka etorri dira eta trukean neska-mutikoen muxuak jaso dituzte. Eskutitzak ere eman dizkiete batzuek, gauean opariren bat utziko duten itxaropenarekin.
Leizarra musika eskolako ikasleek egin diete lagun kiroldegitik plazara arteko ibilbidean, baita herriko ikastetxeetako gurasoek ere suziekin. Herriko Plazan musika eskolakoek kantuekin egin diete harrera eta pozik joan dira, gauean itzultzeko asmoarekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.