Idoia Elexpuruk, Belar Metako ugazabak, iazko irabazlearen eskuetatik, Kilima haur-dendako Meritxell Serratoren eskuetatik, jaso du erakusleiho onenaren berri ematen duen garaikurra. Ana Bolinagak, alkateak, eta Nahia Agirrek, Garapen Ekonomikorako teknikariak, ostera, saria eman diote: Zumaiako Zelai Talasoterapiara joateko txartela. Alkateak jakinarazi du aditu bat ibili dela herriko erakusleihoak baloratzen eta Belar Metak dituen kolorea, argia eta originaltasuna izan dira erabakigarriak onena dela esateko.
Euskarazko Gabon mezurik onenaren saria, ostera, Amaia ume-dendako Amaia Elortzak jaso du. Getarian aste bukaera pasatzeko aukera izango du horrek, Getariano pentsioan ostatu hartuta. Iaz ere Amaiak jaso zuen saria.
