Gabon kantuan ibili dira herriko neska-mutikoak, gurasoak eta Basotxo erretiratuen elkarteko abestaldeko kideak txistulariek lagun eginda. Eta kalez kaleko ibilbidea bukatutakoan Olentzero eta Maridomingi zituzten zain guztiek, Herriko Plazan. Ilara luzea egin dute umeek gutunak eta muxuak emateko. Arratsaldean ere etorriko da Olentzero, 18:30ean irtengo da kiroldegitik plazaraino joateko (argazki gehiago barruan).
Gabon kantuekin berotu dute goiza umeek, gurasoek eta erretiratuek. Plazatik atera, zaharren egoitzatik pasatu, goxokiak jaso bidean eta plazan bukatu dute ekitaldia. Txistulariek eta Basotxoko abestaldeak harrera egin diete Olentzerori eta Maridomingiri, eta gero, umeen txanda iritsi da; gutunak eta muxuak eman dizkiote horiek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.