Aurten 90 urte bete dituzten bazkideak omenduko dituzte Basotxon bihar

Basotxoko kantu taldean abesten.

Basotxo erretiratuen elkarteko kideek ohitura dutenez 90 urte bete dituzten bazkideak omenduko dituzte bihar, Santa Luzia eguna. Hamar lagun izango dira aurten, bi gizon eta zortzi emakume, eta gainerako bazkide guztiak gonbidatuta daude 17:00etan hasiko den ekitaldira.

Herriko dantzari gazteek aurreskua dantzatuta hasiko dute omenaldia. Ondoren, Basotxoko kantu taldeak hainbat abesti kantatuko diete, beste batzuen artean Zorionak. Opariak banatuko dizkiete gero hamar omenduei. Eta trikiti doinuak lagun direla, txokolatea banatuko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.