Ume eta gurasoen laguntza behar izan dute 'Up' ikuskizunean

Zaraia aretoan egin dute 'Up' ikuskizuna

Musikak lagunduta, antzerkia eta zirkua, biak uztartu ditu Xabier Larreak gaur goizean Zaraia aretoan. Up ikuskizuna eskaini die gerturatu direnei, baina euren laguntza behar izan du prestatutako ariketak egiteko.

Hala, umeak eta gurasoak izan ditu laguntzaile titiritero arropak soinean jantzita zituen artistak. Oholtza gainean, hala ere, gauza gutxi: mahai itxura zuen maleta handi bat bakarrik. Haren barruan, baina, baloiak, pilotak, puztu beharra zuten koloretako globo luzeak eta makila tolesgarri luze bat, besteak beste. Baita tximeletak edo arrainak harrapatzeko erabili daitekeen sare bat ere. Horri heltzeko eskatu dio, esaterako, aretoan zegoen mutiko bati eta berak bost pilotekin malabarismoa egiten bukatu ahala pilotak sarearekin jasotzeko esan. Ondo egindakoa txalotuz eta oker irtendakoari txistu eginez, inor ez zen aspertu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.