Argazki kamera ondo ezagutzeko ikastaroa antolatu du Loramendik

Mirari Altube Arrese 2014ko urr. 31a, 15:56
Argazki kamera.

Argazkilaritzaren gaineko ikastaroa antolatu du Loramendi elkarteak Udalaren laguntzarekin, argazki kamera automatikoan jarri barik argazkiak ateratzen ikasteko. Aparteko irakasleak gidatuko du Ekaitz Filarmendi argazkilari aretxabaletarrak eta lau saio izango dira.

Ikastaroak lau saio izango ditu, martitzenetan laurak: azaroak 4 eta 18, eta abenduak 2 eta 16. Udaletxe zaharrean elkartuko dira, 18:30etik 20:00etara. Izena aurrez eman behar da Loramendira jota; hona bideak: 943-77 09 70 eta 685 75 67 29 eta loramendielkartea@gmail.com. Prezioa da 10 euro bazkideendako eta 12 euro gainerakoendako.

Manualean erabiltzen ikasi

Sei ordu iraungo duen ikastaroan hainbat gai landuko ditu Filarmendik: "Abiapuntua izango da kamera baten barruan zer gertatzen den ezagutzea. Horretarako kartoizko kaxekin egindako kamera pare bat gertatu ditut argia barrura sartzean zen gertatzen den ikusteko", azaldu du. Eta beste hainbat gairen artean honakoak landuko ditu: sentsibilitateak, hau da, isoak zelan aldatzen diren; eta abiadurak eta diafragmak erlazionatu. "Batez ere gai horiek landuko ditut kamera era manualean zelan erabili behar den ikas dezaten. Denbora izanez gero osagarrietan ere sartuko gara: tripodeen erabilera, filtroena…", argitu du Filarmendik, eta onartu denbora askorik ez dutela izango praktikak egiteko, baina igual "etxerako lanak" emango dizkiela: "Ikasitakoa praktikan jartzea komeni izatean da-eta".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak