Maite Marcosek eta Kuartangoko lagunek bi sari jaso dituzte Almeriako western zinemaldian

Maite Marcos garaikurrak eskuetan dituela.

Bi sari jaso ditu Kuartangoko lagunek, euren artean Maite Marcos aretxabaletarra, egindako Algo más que morir (2014, 74 min.) filmak Almeriako western zinemaldian: publikoaren saria eta Almeria Collection sari berezia.

"Ondo pasatzera joan ginen eta izugarria izan da!", esan du Maite Marcosek. Izan ere, lehiaketako garailea izan da Algo más que morir bi sari jasota (nahiz eta film onenaren saria Sweetwater-ek jaso).

"Zirraragarria izan da emanaldia, hunkigarria. Guk egindako lana baloratzen jakin dute", gaineratu du: "Eta Tabernas herrikoek ondo baino hobeto hartu gaituzte". Sari hirukoitza jaso dute, gainera, Frantziako produktore etxe batek erosi dituelako filmaren eskubideak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.