Azken urteotan legez Patxaran Lehiaketa egingo dute XVIII. Gastronomia eta Folklore jaialdi barruan. Domekan da, urriak 18, eta 11:00etatik 14:00etara aurkeztu beharko dira Herriko Plazan, Zaraia Mendizale Taldeko kideek jarriko duten mahaian.
Norberak egindakoa izan beharko du patxaranak, eta kristalezko edo beira gardenezko botilan aurkeztu beharko da; botilen originaltasuna ere kontuan hartuko dute epaimahaiko kideek. Bakoitzak bi botila aurkeztu ditzake.
Sari banaketa ekitaldia 17:30ean izango da plazan, bertan. Lehenengo hiru onenek garaikurra eta diru-saria jasoko dute. Lehiaketara aurkeztutako patxaranak probatu ahal izango dituzte herritarrek sariak banatu ostean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.