Txitxi-burruntziak, urdaiazpikoa, olagarroa, erroskillak eta beste hainbeste jateko eta albariñoa, finoa eta Errioxako ardo beltza edateko izango dira domekan, Herriko Plazan, 10:00etan hasi eta 14:30k bitartean. Gastronomia eta Folklore jaiak 18 urte beteko ditu dagoeneko, eta beste herrialde batzuk ezagutzera emateko asmoarekin sortutako jaia guztiz errotu da herrian.
Zaraia mendizale taldearen laguntzarekin, eta Txakoli eta Dorleta tabernek babestuta, Udalak antolatutako jaialdian 12 postu inguru izango dira plazako arkupetan: "Nobedaderik ez dago, urtero ekartzen dituzten produktu goxoak eskainiko dizkigute beste behin", jakinarazi du antolatzaile lanetan dabilen Zaraia taldeko Martin Garaik.
Gaztela Leongo, Galiziako eta Extremadurako produktuak izango dira postuotan, azken horiek Arrasateko Corazon de Encina taldekoen eskutik. Eta Euskal Herrikoak eskainiko dituzte Aratz taldeko kideek.
Dantzak eta jotak
Folkloreari dagokionez azken urteotako taldeek egingo dute bisita. Laudiotik etorriko da Gaztela Leongo San Fernando dantza taldea; Donostiatik Galizia Etxeko dantza taldea; eta Errioxako Villamediana de Iregua herritik Voces del Ebro jota taldea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
