Jose Javier Barkero aretxabaletarrak herriko alebinak entrenatuko ditu

Jose Javier Barkero futbol jokalari aretxabaletarra UDAko alebin mailako entrenatzailea da. Zaragoza taldea utzi ostean, eta haren nahiak asetzen dituen futbol talderik aurkitu ez duenez, bere herriko gaztetxoekin aritzea erabaki du. Hala aitortu du Igor Arenaza UDAko kirol zuzendariak. "Herrira itzulia zenez, UDAko futbol talde nagusian jokatzeko eskaintza egin genion, baina, horren ordez, alebin mailako taldea entrenatzea proposatu digu eta gu oso pozik!" dio Arenazak.

Futbol entrenatzaile profesionala izateko titulua ateratzen dihardu Barkerok eta praktikak egiteko talde bat entrenatu beharra dauka. Horregatik, tarteka, UDAko alebinak entrenatzeaz gain, Ohorezko Erregionaleko talde nagusiarekin ere ariko da, Gorka Valle entrenatzailearekin. Atzo, esaterako, Ibarran izan zen, etxekoen aulkitxoan, Touringen aurkako partiduan (3-1).

Xavi eta Casilasekin

Jose Javier Barkerok 35 urte ditu eta azkeneko urteak Zaragozan eman ditu, bigarren mailan. Aurretik, azkenekoz, Albacete, Numancia eta Levanten aritu zen. Lehenago, Eibarren, Realean (ligan txapeldun orde geratu zen talde handi hartan)... Eta, gazte mailetan, Munduko txapeldun geratu zen 20 urtez azpikoekin, Xavi Hernandez edota Iker Casillas bezalakoekin batera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.