Batzuek Aretxabaletatik bertatik ekingo diote ibilbideari eta beste batzuek, Mendiolatik. Handik gora guztiek egingo dute bat, eta 10:30ean tontorrean direnendako salda izango dute Murrukixoko kideek. Meza 11:00etan izango da, eta ostean, mokadutxoa eskainiko diete elkartutako guztiei: txorizoa eta gazta, sagardoak eta xanpainak lagun eginda. Etxera bidean, 13:00 inguruan, geldialditxoa egingo dute Mendiolan bermuta hartzeko.
Antolatzaileek iragarri dute eguraldi txarra eginez gero egitaraua aldatu egin dezaketela.