Eguzkiak gogor jotzen zuenez, plazako arkupeetan bazkaldu behar izan dute aretxabaletarrek, baina beroak garrantzirik izango ez balu bezala, paella guztia jan dute. Horren ostean jolasen garaia iritsi da, txikiek egurrezko jolasak izan dituzte, gazte eta nagusiek aldiz, euren arteko pikea izan dute.
Ohitura ezin dira alde batera eutsi eta sokamuturra klasiko horietako bat da. Durana kalean zezen plaza bihurtu da eta guztira lau zezen izan dira bertan. Bigantxek hiru pertsona harrapatu dituzten arren, guztia susto batean geratu da.
Azken ordu hauetan musikak eta jai giroa izango da nagusi Aretxabaletan. Festarako gogoa dutenek, Aretxabaletan nahi adin aurkituko dute. Jaietako egitaraua gauerdian amaitzen den arren, ziur askok, gosariarekin borobilduko dituztela aurtengo jaiak. Herritar ugari bihar opor lekuetara bueltatuko diren arren, ez da urteko astelehen errazena izango. Nabari da jaiek zapore ona utzi dutela herrian.
