Arratsaldean ere hamaika ikuskizun egongo dira eta Iturrigorriko frontoia jokatu diren profesionalen arteko pilota partiduek jende asko erakarriko duten arren, zapatu arratsaldeko protagonista nagusia musika izango da.
18:30ean Afrikako perkusioaren doinuek hartuko dute herria eta 21:00ak bueltan Oxabi musika taldeak bere emanaldia eskainiko du herriko plazan. Dudarik gabe baina, hitzordu nagusia 22:30ean txosna guneko kontzertua izango da. Oholtza gainean Arcada Social, The Potes eta Niña Coyote eta Chico Tornado taldeak egongo dira.
Kontzertuak amaitu eta gero, toki berean Zebra muskuiluen showa ikusteko aukera egongo da goizeko 3:00ak aldera. Horren ostean, gaupaseroek bizkor joan beharko dute etxera, domekan, herri bazkaria egongo da-eta.
