Egubakoitzetik domeka iluntzera arte jai giroa izango da Portasol inguruan

Mirari Altube Arrese 2014ko uzt. 17a, 18:21
Kalebarrengo txaranga Portasolgo jaiak girotzen iaz.

Zapiak lepoan lotu eta txupina botata iritsiko da jai giroa egubakoitzean Portasolgo bazterretara. Hiru egunetan ondo pasatzeko aukera izango dute bertako bizilagunek eta gainerako aretxabaletarrek.

Buruhandien kalejirarekin hasiko dituzte jaiok (18:30) eta gau partean kontzertuak izango dira bi gunetan: Markoleko zelaian (22:00) rock kontzertuak honako taldeekin: Txerrikumeak; Galerna; eta Gaupa-heroes. Eta Bizkaia kaleko aparkalekuan (22:30) trikitilariak: Laja II eta Narbaiza.

Bihar, kirolak ere izango du lekua: atletismo probak Loramendi kalean (11:30); eta gimnasia erritmikoa Araba ibilbidean (12:00). Umeek, gainera, gaztelu puzgarriak izango dituzte Loramendi kalean (12:00 eta 17:30). Eta arratsaldean (16:00) xake eta mus txapelketak jokatuko dituzte. Gauean musikaren txanda izango da: rock taldeak Markoleko zelaian, (22:00): Kalaña; E.R.M.; eta W.C. Eta erromeria giroa Gardokirekin Bizkaiko aparkalekuan (22:30). Gauerdian, gainera, suzko erruberak botako dituzte.

Domekan ere ez da faltako jai girorik: artisauen eta bigarren eskuko produktuen azoka, Araba ibilbidean (11:30); paella lehiaketa Markoleko zelaian (11:30); eta Gorritiren animaliak  zelaian bertan (18:00). Ondoren, emakume zaharrena eta aurtengo lehen jaioberria omenduko dituzte.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak