Ikasturtea agurtzeko, eta era berean, azken hilabetean landutako artearen inguruko proiektuari amaiera emateko, 'Eskuekin artea sortu' ikuskizuna prestatu zuten Arizmendi ikastolako Basabeazpiko kideek, eta atzo gurasoei eskaini.
"Azken hilabeteotan sortutako artelanekin ikastola museo bihurtu eta gero, emanaldi borobilarekin eman diogu bukaera", jakinarazi dute Basabeazpiko kideek. Atzo izan zuten jaialdia, eta dantza eta kantuen ostean, etorri ziren 5 urteko haurren bertsoa, diploma banaketa eta bukatzeko, gurasoen txanda. Urduritasun eta emozio artean eskerrak eman zizkieten gurasoek irakasleei, eta ondoren guztiek elkarrekin meriendatu zuten.
