EAJren Gipuzko Buru Batzarrak Aretxabaletako Batzokian egin du bere asteroko bilera gaur. Buruzagitza jeltzalea Debagoienan izan da "bertatik bertara ezagutzeko bailararen egoera". Horrela, eskualdeko EAJren barne karguekin zein kargu publikoekin bilera izan dute.
Gipuzkoako jeltzaleen ordezkariek adierazi dutenez, "urte bete eskas" falta direnean hauteskundeetarako, EAJk agintaldiaren balantzea egin nahi du eta "heldu beharko dituen erronka nagusiak identifikatu".
GBBkoek, Joseba Egibar presidentea eta Joxemiel Uribarren Debagoieneko arduraduna buru, "egoera ekonomikoa –bailararen ekonomia bultzatu eta enplegua sortzeko aukera ezberdinetan bereziki sakonduz-, egoera politikoa eta gizartearen egoera" izan dituzte "hausnarketaren erdigunean", gaur Aretxabaletan egin duten batzarrean.
