Aretxabaletako Ibarra kiroldegian egin dute topaketa eta bertakoek zein kanpotik etorritakoek hartu dute parte. Kontakt-a dantza mota bat da, inprobisatuz egiten da eta kontaktua da erreferentzia; parte-hartzaileen arteko komunikazioa, beraz, oso garrantzitsua da dantza mota horretan. Jaiki elkarteko kideek lagunduta egin da lehenengo topaketa Aretxabaletan eta antolatzaileek balorazio "oso positiboa" egin dute.
Topaketan parte hartu dutenak ere gustura zeuden euren afizioa beste lagun batzuekin partekatzeko aukera izan dutelako.
Zaharren egoitzan egingo dituzte jatorduak eta gauak ere hantxe pasako dituzte. Mugimenduko ekitaldi gehienak Ibarra kiroldegian izango diren arren, Jaiki elkartearen lokalean ere egingo dituzte batzuk eta azkena, Arrasaten egingo dute, Mundumira jaialdiaren barruan.
