Euskal Herriko kontakt topaketa gaur hasiko da Aretxabaletan

Kontakt saioa Aretxabaletan
Aretxabaletako Jaiki taldeak eta EHKIEk, Euskal Herriko Kontakt Inpro Elkarteak, I. Kontakt Topaketa antolatu dute aste bukaera osorako, Aretxabaletan. Ekintzak gaur, egubakoitza, gauean hasiko dira, eta bihar, zapatua, izango da egun beteena ekintzei dagokienez; besteak beste, EHKIEk bere batzarra egingo du.

Edozeinendako zabalik dago topaketa eta ez dago izena eman beharrik kontakt eta jam saioetara joateko; bai, ordea, jatorduetarako eta bertan lo egiteko.

Gorputzen arteko elkarrizketa

Jaikiko Maier Etxebarriak azaltzen digu zer den kontakt inprobisazioa: "1978 ingurutik, New Yorken jaio zenetik, mundu guztian egiten den dantza mota da. Kontaktuaren bidez eta bat-bateko nahien arabera, norberaren buruaren, dantzakideen eta espazioaren elkar entzutearen bidez dantzatzen da, zentzumen guztiak adi-adi izanda. Gorputzen arteko elkarrizketa, jolasa eta dantza da kontakt-inprobisazioa".

Egitarauaz, hauxe dio: "Eguneko dantza saioak kontakta zer den ikusteko eta ikasteko paregabeak izango dira; gaueko jam-ak, kuartel zaharrean, intimoagoak akaso, eta domekako jam edo inprobisazio saio erraldoia, Mundumiran, ikusgarria izango da, seguru: 40 lagun inguru ibiliko dira bat-bateko mugimenduan".

Egubakoitza, 30
21:00-23:30 Kontak Iruñea, jam. Kuartel zaharrean.

Zapatua, 31
08:00-08:45 Yoga, zaharren egoitzan.
09:00-10:00 Armosua, zaharren egoitzan.
10:30-13:45 Kontakt Bilbo eta Jaiki Dantza Taldearen kontakt saioa, kiroldegian.
14:15-15:45 Bazkaria, zaharren egoitzan.
16:00-17:30 EHKIEren batzarra zaharren egoitzan.
18:00-19:45 Co&Ciedance eta Kontakt Biarritzen kontakt saioa, kiroldegian.
20:00-21:00 Afaria, zaharren egoitzan.
22:30-00:00 Kontakt Arrasate, jam. Kuartel zaharrean.

Domeka, 1
08:00-08:45 Yoga, zaharren egoitzan.
09:00-10:00 Armosua, zaharren egoitzan.
10:30-13:45 Kontak Donostia eta Jorge Ezkerra dantza. Calaverak. Kiroldegian.
14:15-15:45 Bazkaria, zaharren egoitzan.
17:30 Jam Mundumira, Arrasateko Biteri plazan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.