Bertsotan jardun dute 8 eta 12 urte arteko neska-mutilek

Mirari Altube Arrese 2014ko maiatzaren 16a

Zoro etxeko kideak, zooko langile eta animaliak, ospitaleko gaixoak eta Eskoriatzako feriara joandako lagunak izan ziren bertsotan atzo, eguena, Iturrigorri pilotalekuan. Kurtzebarri eskolako 8 eta 12 urte arteko neska-mutikoak eta Arizmendi Ikastolako Almen guneko 4. mailakoak elkartu ziren.

'Gu ere bertsotan' proiektuari esker jardun dute bertsoak lantzen ikastetxeetan eta ikasturtean egindako lanaren berri eman zieten etxekoei eta lagunei atzo, Aretxabaletan.

Datorren eguenean, hilak 22, Eskoriatzako kiroldegian elkartuko dira Luis Ezeizako neska-mutikoak eta Arizmendi Ikastolakoak (17:00).

Aretxabaleta