Giro bikaina emakumeen lehen bertso bazkarian

26 lagun inguru batu ziren Urbaltzen zapatu eguerdian.
Giro paregabean ospatu dute lehenengoz Emakumeen Bertso Bazkaria Aretxabaletan. Koadrila ezberdinetako lagunen artetik sortutako ideiak arrera polita izan duela kontatu digute bertan izandakoek. Adin tarte ezberdinetako emakumeak batu ziren Urbaltz elkartean zapatu eguerdian.

Urbaltz elkartean, 26 bat lagun batu ziren bazkaltzeko asmoz. Aurretik baina, Mitarte plazatik abiatu ziren txikiteoa egiteko. "Oso gustura ibili gara elkarrekin solasean eta poteoan, umoretsu ibili gara", kontatu digute. Umorea baina, bazkaltzeko garaian nagusi izan zuten. Izan ere, bertsolariak berehala murgildu ziren festa girora. "Sukaldariarekin hasi eta bazkaltzera joandako denondako bertsoak egon dira; sekulako umorea eta giroa izan dugu. Barre algara edarrak izan dira nagusi", nabarmendu digute.

Gai librean bota zituzten bertsoak. Ondoren, argazki batzuei eta bi objekturi.

Adin tarte ezberdinetako emakumeak, elkarrekin, batzeko aitzakia ederra izan dela azpimarratu digute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.