Datorren eguenean izango da Euspot euskal spot lehiaketaren sari banaketa ekitaldia, Artemanen eta Aretxabaletako Udalaren eskutik, Arkupen, 19:00etan. Parte hartu duten iragarkiak ikusi ondoren, sariak banatuko dira; Ainhoa Vitoria irrati esatariak aurkeztuko du ekitaldia.
Hitzaldi nagusia Arturo Olea madrildarrak egingo du. Musika eskubideen inguruan aditua da eta, batez ere, publizitatea eta musika erabilera aztertuko ditu. "Oso interesgarria izango da eta gaur egungo errealitatea irudikatuko digu", esaten du Artemanek. Segidan, Saiatu Berriz taldeak musika joko du. Lehiaketako lau sariak banatuko dira ekitaldian.
Parte-hartzeari dagokionez, oraindik, eta mugaeguna atzo, egubakoitza izan zen arren, lan asko jasotzea espero du Artemanek; denetara, iaz baino gehiago. Gainera, aurten, iaz ez bezala, 16 urte azpikoek egindako lanak ere izango dira lehiaketan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
