Aurtengoa Huhezinemaren zazpigarren edizioa da. Ekitaldi gehienak martxoaren 26, 27 eta 28an egin ziren, eta azken saioa da maiatzaren 14koa. Gaztambideren hitzaldia edizio honetako hitzordurik garrantzitsuenetakoa da. Gainera, ikus-entzunezko arloan dihardutenentzat, Gaztambideren lana gertutik ezagutzeko aukera egokia dela adierazi dute antolatzaileek. Izan ere, Gaztambidek ibilbide oparoa egin du gidoigintzan; 1990etik dabil zinemarako lanean, gidoilari-kide bezala. Hainbat filmetan hartu du parte, besteak beste, 'Vacas' filmean Julio Medemekin eta 'Un poco de chocolate' pelikulan Aitzol Aramaiorekin.
Huhezinemaren azken saioa izango da maiatzaren 14an. Michel Gaztambideren hitzaldi-mintegiarekin amaituko da aurtengo edizioa. Huhezik duen Komunikazio Campus berrian izango da, Aretxabaletan, 10:30etatik 13:30etara. Sarrera irekia eta doanekoa izango da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak