Jolasean jarduteko aukera dute neska-mutikoek Ibarra kiroldegian

Gaztetxoak igerilekuko puzgarrian jolasean.
Hainbat jolas eta jarduera antolatu dizkie Ibarra kiroldegiko arduradunek herriko neska-mutikoei egunotarako (16:30-19:30). Atzo igerilekuan jardun zuten jolasean, eta gaur, jolas gehiago izango dituzte baina lehorrean, baita akrosport jarduera ere.

Neska-mutikoak opor egunetako arratsaldeetan ez daitezen aspertu hainbat jarduera egiten dabiltza Ibarra kiroldegian. Martitzenean, kantxan eta rokodromoan jardun zuten jolasean; atzo, eguaztena, igerilekuan; eta gaur, hilak 24, jolasak eta akrosport izango dituzte (akrobazia mugimenduak eta koreografia bateratzen dituen kirola). Txikienen ordutegia, 4 eta 9 urte artekoena, 16:30etik 18:00etara da; eta nagusiena, 10 eta 14 urte artekoena, 18:00etatik 19:30era.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.