Hiru mailatako txirrindulariak lehiatu ziren zapatuan Aretxabaleta Sarian eta bertan izan ziren Dorletako Ama Txirrindulari elkartekoak ere, lan txukuna eginez, gainera. Benjaminetan taldeko Xabat Kastaños, Beñat Bukete, Aimar Madina eta Markel Zubia oñatiarrak, Ibai Chico eta Pablo Salaberria urretxuarrak eta Gari Ugarte legazpiarra lehiatu ziren.
Kimu mailan, ostera, Unai Cueva izan zen lehenengoa, Aimar Erostarbe bigarrena eta Iker Ugarte hirugarrena; oñatiarrak lehenengo biak, bergararra azkena.
Infantilei dagokienez, antzuolar bat eta bi arrasatear igo ziren podiumera: Iñigo Aranburu , Iñigo Rodriguez eta Joseba Rodriguez, hurrenez hurren.
Mutilen eskola mailan Andoni Azkarate arrasatearra aritu zen Aretxabaletan.
Baina mutilez gainera, neskak ere aritu ziren Aretxabaletan: Garazi Estebez aretxabaletarra kimu mailan, eta Mikele Tolosa legazpiarra infantil mailan.
