Euskal ilustratzaileak izan dituzte ardatz aurtengo Literatura Astean. Hala, Lehen Hezkuntzako seigarren mailako ikasleek 15 euskal ilustratzaileen lanen erakusketa egin zuten martxoaren 28an (Mikel Valverde, Estibalitz Jalon, Elena Odriozola, Jokin Mitxelena,...) eta, taldeka, eskolako gainontzeko ikasleei azaldu zieten.
Astelehenean, ostera, Yolanda Arrieta idazlea izan zuten bisitan, eta 1. eta 5. mailako ikasleek berbetan jardun zuten harekin.
Eta egunotan ilustratzaileen gaineko ekintza ezberdinak egin dituzte ikasle guztiek, hau da, 2 urtetik hasi eta 12 urte artekoek. Lan horiek guztiak ikusgai daude: liburutegian, 2 urtetik 5 urtera artekoenak, eta aretoan, 1. mailatik 6. mailara artekoak.
Eskolako kideak pozik azaldu dira: "Pozik gaude burutu diren ekintza guztiekin. Aurtengo edizioan ere, eskola liburutegian lantzen den proiektuaren erakusleiho dotorea osatu dugulako".