"Duela bi hilabeteko zuzendaritza batzorde baten izan zen: taldeko lehengo arropa pila bat zegoela, eta bota nola egingo genuen ba! Afrikan dagoen beharrarekin!". Aretxabaletako presidenteorde Jesus Mari Arizmendiarrietak Aita Mennin egiten du lan, eta Mikel Tellaetxe hango gerenteari eraman zizkion kamisetak: "200 inguru ziren!".
Buru osasuneko programak garatzeko Aita Mennik eta bertako mojen ordenak Liberian duten proiektu bat dela-eta, Afrikako herrialdera bidaiatzekoa zen Tellaetxe. Eta ez zen bakarrik joan. Tellaetxeren bisitaz gain, makinatxo bat kamiseta jaso zituzten liberiarrek.
Eskola bati eman zizkioten batzuk; parrokia bati beste batzuk; Boli Kostako komunitateari ere bai; eta beste sorta bat Liberiako Anputatuen Futbol Federazioari: "Bost taldeko liga dute Monrovian". Baina hori bakarrik ez, Errusian, Argentinan eta Turkian ere izan dira jokatzen.
Eta ze poza gerragatik gorputz-adarren bat galdutakoena, Aretxabaletako kamisetak jasota: haiekin harremana estutzeko asmoa agertu dute UDAkoek.
