Gure Esku Dago

Aretxabaletan Gure Esku Dago lantaldea sortzeko bilera egin dute

Jon Moñux 2014ko mar. 18a, 19:46
Aretxabaletan Gure Esku Dago lantaldea sortzeko bilera.
Gure Esku Dago dinamikaren barruan, Aretxabaletako lantaldea sortzeko ekitaldia egin zuten aretxabaletarrek martxoaren 18an, martitzena. Ekitaldia Arkupe kultura etxean egin zuten eta 18:30ean hasi zen.

Dinamikari hasiera emateko Aretxabaletan, Bergarako eta Oñatiko Gure Esku Dago taldeko kideak gonbidatu zituzten ekitaldira aretxabaletarrek. Bakoitzak bere herriko esperientziak azaltzeaz gain, taldeak dauzkan helburuak zeintzuk diren zehaztu zituzten. Bestalde, ekainaren 8an Durangotik Iruñara egingo den erabakitzeko eskubidearen aldeko giza-katean parte hartzeko gonbidapena luzatu zuten kideek.

Hitzaldiaren amaieran, bertaratu ziren herritarrek datuak elkarbanatu zituzten aurrerantzean gehiagotan biltzeko helburuarekin. Aretxabaletan taldea sortu ezkero, Debagoieneko seigarren herria izango litzateke dinamika honetan parte hartzen duena.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak