Huhezinema jaialdiak baditu finalistak

Asier Altunaren 'Zela trovke' film laburreko fotograma bat.
Huhezinemaren VII.edizioa izango da aurtengoa eta finalistak aukeratu dituzte jada. 134 film labur jaso dituzte eta 13 aukeratu dituzte sail ofizialeko finalerako. Finalista guztiak Martxoaren 28an proiektatuko dira Aretxabaletako Arkupe kultura etxean eta ondoren sari banaketa egingo da.

Hil honen 26, 27 eta 28an ospatuko da jaialdia, eta hirugarren eta azken egun horretan erakutsiko dituzte finalerako hautatutako film laburrak eta banatuko dituzte sariak, 17:00etatik 22:00etara bitartean.

Finalistak

13 lan aukeratu dituzte finalerako:

  • Zela Trovke (Asier Altuna)
  • Arconada (Asier Urbieta)
  • Irudi mintzatuen hiztegi poetikoa (Maider Fernandez, Maria Elorza eta Aitor Gametxo)
  • Gosea (Itziar Cantero)
  • Hotzanak (Izibene Oñederra)
  • Hibernation (Jon Mikel Caballero)
  • Bosgarren segmentua (Ander Parody Garai)
  • No es un buen día para morir (Ruben Rosas)
  • Democracia (Borja Cobeaga)
  • Donde nunca pasa nada (Maialen Sarasua)
  • A political story (Lander Camarero)
  • Das Kind (Manu Gomez)
  • Alejandra (Alberto Gastesi)

Jaialdia "egonkortu" egin da

Movibeta online plataforma, Wetransfer zein posta arruntaren bidez jasotako lanak kontuan harturik, guztira 134 film labur aurkeztu dira Huhezinemaren zazpigarren ediziora, horietatik 30 euskara hutsean ekoitzitakoak.

Lehiaketa ofizialera 118 film labur aurkeztu dira (fikziozkoak, dokumentalak, esperimentalak, animaziozkoak eta genero nahasketak); eta MUko ikasleen lehiaketatara, 16 (fikziozkoak, dokumentalak eta bideoklipak).

Aurreko urteko kopurua gainditu da eta, "Movibeta plataformak egileen artean duen arrakastari esker, Huhezinema Jaialdia egonkortu" egin dela adierazi dute antolatzaileek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.