Emakumeen eskubideak aldarrikatu eta Emakumeen Nazioarteko Eguna ospatzera dei egin dute

Mirari Altube Arrese 2014ko mar. 4a, 16:54
Emakumeen Nazioarteko Eguna aldarrikatu eta egun horren bueltako ekintzak iragarri dituzte Aretxabaletako Udal ordezkariek. Zapatua, martxoak 8, da egun handia; agerraldia egingo dute orduan Herriko Plazan eta Fun Dantz! jaialdia Ibarra kiroldegian.

Emakumeen Nazioarteko Eguna aldarrikatu eta emakumeen eskubideen aldeko borrokarako dei egin du Aretxabaletako udalak. Emakumearen egoeraren gainean hausnartu eta balantzea egiteko garaia dela jakinarazi du Ana Bolinaga alkateak.

Egoeraren irakurketa "gordinak", baina, etsipenera eraman beharrean erantzuna pizteko izan beharko lukeela jakinarazi du alkateak. Hala, atzera pausoak identifikatu eta horiei aurre egiteko gertatu behar garela gaineratu du. Eta lanerako ordua dela gogorarazi.

Hala, Euskal Herri feminista eraikitzeko konpromisoa hartu zuen udalbatzak atzo, astelehena, egindako osoko bilkuran.

Emakumeen Egunaren bueltan antolatutako ekitaldien berri ere eman dute. Hona egitaraua:

  • Martxoak 7, egubakoitza

17:00, Txapa tailerra; gaztelekuan.

  • Martxoak 8, zapatua

- 09:30-13:30, Merkatariek produktuak aterako dituzte saltokien aurrera.
- 12:00, Emakumeen frontenis txapelketako finala eta sari banaketa; Iturrigorri pilotalekuan.
- 13:00, Agerraldia, Herriko Plazan. Ondoren, mokadutxoa, Pagaldaixenean.
- 19:00, Fun Dantz! ikuskizuna; kiroldegian.
- 22:30, Bakarrizketa Esther Uriarekin; Pagaldaixenean.

  • Martxoak 11, martitzena

19:00, 'A Trompicones' antzezlana Luna llena taldearen eskutik; Arkupen.

  • Martxoak 13, eguena

19:30, Zine kluba: '81 amama' filma, Arkupen.

  • Martxoak 15, zapatua

11:30, Maider Galarraga ipuin kontalaria: 'Printzesak kontu kontari'; liburutegian.

  • Martxoak 20, eguena

19:30, Zine kluba: 'Todas las mujeres' filma; Arkupen.

  • Martxoak 24, astelehena

19:00, Hitzaldia: Brasilgo emakume nekazarien egoera eta erronkak; Arkupen.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak