Kumite modalitateko, 67 kiloz azpiko, Euskadiko karate txapelduna da Odei Vazquez gaztea. Joan den zapatuan jokatu zuten txapelketa Gasteizen eta lehenengo postua eskuratu zuen.
Gipuzkoako txapelduna ere bada, urtarrilaren 26an jokatutako txapelketa irabazi ostean.
Aste bukaeran Euskadiko selekzioarekin joango da Fadurara (Getxo) eta aurrez aurre izango dute estatuko taldea; Europako txapelketa gertatzen dabil hori eta Euskadikoarekin entrenatzera dator. "Zorionak eta onenekin ikas dezala orain", esan dio entrenatzaile duen Odilo Vazquezek.
