Duela hilabete estreinatu zuten Aulki hutsak Elgetako Espaloian, eta aste honetan Aretxabaletan egingo du geldialdia Iñaki Peñaren ikus-entzunezkoak. Aretxabaletako proiekzioa gainera, berezia izango da; izan ere, dokumentalean testigantza ematen dutenen artean Aretxabaletako herritarrak daude-eta.
Edukia ikuspegi ezberdinetatik lantze aldera, profesionalei eta norbait galdu duten senideei egindako elkarrizketak batzen ditu dokumentalak. Horrela, gaur egun, gizartean tabu bihurtu den gaiaren inguruan, esperientzia pertsonal eta profesionalen bidez argibideak ematen saiatzeko. Beraz, bihar Arkupe kultur etxean 19:30ean hasiko da proiekzioa.
'Maite dugun hori hiltzean zer?' galderari erantzuten saiatzen den 'Aulki hutsak' dokumentala proiektatuko dute hilaren 14ean Aretxabaletako Zaraia aretoan, 19:30ean hasita. Heriotzari eta doluari buruzko dokumentala da Iñaki Peña medikuak, idatzi eta zuzendutako ikus-entzunezko lana.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak