Aurten lehenengoz, Emakumeen frontenis txapelketa antolatu dute elkarlanean Aretxabaletako Udalak, Loramendi Elkarteak eta UDA Kirol Elkarteak. Urtarrilaren 25ean hasiko da txapelketa eta martxoaren 8ra arte Aretxabaletako Iturrigorri pilotalekuan jokatuko dira norgehiagokak.
Antolatzaileak pozik daude, dagoeneko hainbat bikotek izena eman dutelako. Hala ere, Debagoiendar guztiei zabaldu nahi diete bertan parte hartzeko aukera.
Izena emateko, hiru bide daude; lehena, Aretxabaletako Udalera jotzea; bigarrena, Loramendi Elkartean izena ematea; eta azkena, emakumeenfrontenisaUDA@gmail.com helbidera mezu bat bidaltzea. Izen emateko epea, datorren egubakoitza, hilaren 17a izango da; eta bikote bakoitzak 10 euro ordaindu beharko ditu txapelketako lehenengo partiduan.
Irabazleek, 200 euroko bonoa, trofeoa eta txapela eramango dute etxera; bigarren sailkatuek ordea, 100 euroko bonoa eta trofeoa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak