"Egiten duguna gertutik ezagutu nahi baduzu ate irekien saiora gonbidatu nahi zaitugu, urtarrilaren 9an, Arkupeko dantza aretoan". Hala eman digu aditzera Maier Etxebarria elkarteko kideak.
Domekan, dantza familian
Bestalde, 2014an ere familian dantzan aritzeko saioak antolatu ditu Jaikik eta beste behin ere Kuku Miku elkartearekin batera antolatutako saioak izango dira; azken horrek Durana kalean daukan egoitzan elkartuko dira hamabostean behin.
Urteko lehenengoa domeka honetan, urtarrilak 12, izango da, 16:30etik 17:30era. "Interesa dutenei gogoratu gura diegu oso baliogarria zaigula aurrez izena ematea, hobeto antolatzen lagunduko digu eta". Gainera, saioko eta pertsonako 3 euro ordaindu beharko direla ere eman du aditzera Etxebarriak.
Parte hartu gura dutenek jaikielkartea@yahoo.es helbidera idatzi dezakete, zein 943 53 43 96 telefonora deituta ere eman daiteke izena.
