Presoen aldeko bigarren eskuko azoka egin dute gaur goizean Aretxabaletan. "Presoei elkartasuna adierazteko modu bat da, eta baita herritarrak inplikatzekoa ere", dio Irati Pagoaga antolatzaileak. "Denok ditugu etxean soberan ditugun gauzak, eta horiei prezio sinboliko bat ipini diegu. Saldutakoarekin, ekarpen ekonomikoa egiten diegu presoei eta haien senitartekoei" gaineratu du.
Aurtengo bigarren azoka izan da gaur goizekoa. "Lehenengoa oso arrakastatsua izan zen, gaurkoa ez horrenbeste" dio Pagoagak. Hala ere, esan bezala, presoei eginiko keinuarekin pozik daude antolatzaileak. Aprobetxatu dute, gainera, Urtarrilaren 11n Bilbon egingo den presoen aldeko manifestaziorako deia egiteko:"'Tantaz tanta, itsasoa gara' lelopean Bilbon egingo den manifestaziorako tantak batzen dihardugu Aretxabaletan. Herritarrei argazkiak ateratzen ari gara, Bilbon itsasoa sortu dezagun. Norbanakoekin sortuko dugu-eta, itsasoa" gaineratu du Pagoagak.
Ez da, baina, Aretxabaletan gaur egin den elkartasun azoka bakarra. Izan ere, Hiruatxek antolatuta, Bidezko Merkataritzaren azoka egin baitute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
