90 urte bete dituztenak omendu zituzten Basotxon

Basotxo Erretiratuen Elkartean jai giroan pasatu zuten atzo arratsaldea. Aitzakia, honakoa: aurten 90 urte bete dituzten herritarrak omentzea. Haun zuzen ere, zazpi herritar omendu zituzten. Han izan ziren dantzariak, Basotxo Abesbatza eta trikitilariak besteak beste. Jende mordoa batu zen omen ekitaldira eta txokolate beroa hartuz arratsalde pasa polita egin zuten.

Juana Iregik, Inazio Aranburuzabalak, Migel Osinagak, Brigida Carrascok, Pilar Gabilondok, Juan Arenazak eta Alejandro Zubizarretak aurten bete dituzte 90 urte. Zifra makala ez, eta atzo, omendu egin zituzten Basotxo Erretiratuen Elkartean. Aipatutako lehenengo laurak izan ziren bertan, besteek ezin izan zuten-eta.

Lehen lehenik aurreskua datzatu zieten. Basotxo Abesbatzak lau bat kantu abestu zituen eta ondoren, trikitilariek alaitu zuten giroa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.