Bihar goizean Rosa Martinez ipuin kontalariak 4 urtetik aurreko neska-mutilentzako emanaldia egingo du. Liburutegian izango da, 11:30ean hasita, eta txotxongilo bidez abenturazko istorioa kontatuko du Martinezek. Protagonistak baso ilun bat zeharkatu beharko du, bere lagun txoriek emandako hiru lumaz baliaturik.
Zirku tailerrekoen emanaldia
Bestetik, zirku tailerrean ari diren gazteek ikuskizuna eskainiko dute Zaraia aretoan bihar, 13:00etan hasita. Orain dela urtebete hasi ziren neska-mutilak zirkuko zenbait teknika ikasten Xabier Larrea malabaristaren eskutik. Bada, oreka eta eskujoko teknikak landu ostean, jendaurrera irtengo dira bihar, zapatua.