Euskararekiko jarrera baikorrak sustatzeko 'Zergatik ez?' tailerra

Topagunearen ekimenez sortua, euskararen erabilera sozialaren inguruan hausnartzeko saioa da 'Zergatik ez?'.  Aretxabaletan ere antolatu du Loramendik, Kuku Miku elkartearekin elkarlanean. 0 eta 6 urteko haurrak dituzten gurasoei zuzenduta bi saio antolatu dituzte; azaroaren 26an izango da gaztelaniazkoa eta abenduare 4an, ostera, euskarazkoa. Izen-ematea ireki dute.

"Duela urtebete inguru hasi ginen Loramenditik tailerra ematen. Topagunearen ekimenez sortu zen; orain arte Kurtzebarrin eta Almenen eman ditugu, DBH4ko ikasleekin gaia landuz". Hala eman du aditzera Josu Retolazak.

Oraingoan, Kuku Mikurekin eta Udalarekin batera antolatu dute. Bi saio egingo dituzte, gaztelaniaz –hilaren 26an– eta euskaraz –abenduaren 4an.

Izen-ematea zabalik

Tailerrean 0 eta 6 urteko haurren gurasoek hartu dezakete parte. Besteak beste, hizkuntza aniztasuna, hizkuntzaren galtze prozesuak, erabiltzeko zailtasunen identifikazioa eta beste landuko dituzte.

Gaztelaniazkoan parte hartzeko izen-emate epea azaroaren 22an amaituko da; eta euskarako saioa parte hartzeko hilaren 26an. 650 939 693 zenbakira deitu edo kukumikuelkartea@gmail.com helbidera idatzi.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.