Luzatu egin dute hitano ikastarorako izen-ematea

Loramenditik aditzera eman dutenez, antolatu duten hitano ikastarorako izen-ematea luzatu dute. Hori horrela, egubakoitz honetan, azaroak 8, izango da horretarako azken eguna. Ikastaroa, ostera, astelehenean, hilak 11 hasiko da.

Euskara elkarteko Josu Retolazak aditzera eman duenez, dagoeneko eman dute izena zenbait herritarrek: "Baina taldea handiagoa izatea gurako genuke, horregatik aldatu ditugu bai izen-ematea epea eta baita hasiera data ere".

Bost astetan zehar astehen eta eguaztenetan elkartuko dira hikan berba egiten ikasi gura dutenek. "Izena emateko Loramendira etorri daitezke interesatuak edo Aretxabaletan euskaltegira ere jo daiteke".

Ikastaroaren prezioari dagokionez, bazkideek 16 euro ordaindu beharko dituzte eta 20 euro, aldiz, gainerakoek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.