Bost gol sartu ditu UDAk, hiru eurendako eta gainontzeko biak talde azpeitiarrarendako

Gaur lehiatu dira Aretxabaletako UDA eta Azpeitiako Lagun Onak taldeak, Aretxabaletako Ibarra futbol zelaian eta 3-2ko emaitzarekin amaitu da partidua. UDAko entrenatzailea den Alberto Albistegik azaldu duenez ozta-ozta ibili dira berdegunean 90 minutuetan zehar. Azpeitiarrek aukera gutxi izan dituzte, baina, hala ere, Aretxabaletakoek defentsari eusten jakin zuten. Izan ere, Lagun Onak taldearen bi golak talde aretxabaletarrak bere atean sartutakoak izan dira, euren zoritxarrerako. 

1 eta 2 zihoazela iritsi dira atsedenaldira Ibarran, baina, honek ez du UDA burumakur ipini, goiari eusten jakin izan du gainontzeko minutuetan zehar. Bina berdinduta zeudela 90. minutuan azken gola sartu du UDAk eta honek sailkapenean gorantz egiteko txartela eman dio taldeari.

Taldearen "borrokarako jarrera" eta norgehiagokari eusteko gaitasuna goraipatu nahi izan ditu Albistegi entrenatzaileak, "merezitako garaipena" izan dela azpimarratuz. Aurrera jarraitzen laguntzeko giltza izan da gaurko partidua Aretxabaletakoendako.

UDA 15. postuan 

Atzo arte azken postuan kokatzen zen talde aretxabaletarra, azpeitiarrak aurretik edukita, baina atzoko lehiak aldaketa positiboa eragin du UDArengan: zazpi punturekin, 15. postua eskuratu zuen. Aldi berean, Lagun Onak taldea azken postuan kokatu zen atzoko porrotarekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.