Loramendik Barriketan izeneko egitasmoan izena ematera deitu ditu herritarrak. "Asmoa, euskaraz berba egiteko ohitura dutenen eta euskaraz berba egiteko ohiturarik ez dutenen artean euskaraz hitz egitea da". Izena emateko epe zehatzik egon ez arren, interesatuek lehenbailehen egin dezatela gomendatu dute Loramenditik.
Astean behin elkartzen dira, taldetan eta ordubetez euskaraz berba egiteko saioak izaten dira. Iaz zazpi talde elkartzen ziren Aretxabaletan, bost bat pertsona bakoitzean.
"Urtean zehar ekintza ezberdinak antolatzen dira, herrian zein eskualdeko beste herrietako taldeekin". Urrian zehar eman dezakete interesatuek izena, baita aurrerago ere, "baina lehenbailehen" egitea gomendatu dute. Egitasmoan parte hartzea doakoa da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.