Ateak zabalik hartu zituzten atzo bisitari guztiak Aretxabaletako Durana kaleko 30. zenbakian. Kuku Mikuren egoitza dago bertan, eta lokala ezagutzeaz gain elkartearen nondik norakoen berri ere jaso zuten bisitariek.
Haurrek zein gurasoek merienda goxoa egin zuten, eta jolasean ere aritu ziren. Bazkidetza kanpaina dute zabalik Kuku Mikukoek. Astelehenean, urriak 7, da izena emateko azken eguna. Interesatuek kukumikuelkartea@gmail.com helbidera idatzi behar dute.